第11篇 跋落去田溝仔

[00:01.00]第11篇 跋落去田溝仔 [00:08.28]守家女 [00:11.80]彼工欲暗仔 [00:14.72]我去溝仔邊沃樹仔栽 [00:18.88]紲手捾一跤水桶仔上水 [00:24.12]按算共焦燥燥枵ho̍p-ho̍p的塗肉灌予飽 [00:32.20]溝仔無闊 [00:34.44]量約仔有人外闊 [00:38.36]溝仔水無深 [00:41.24]桶仔較貯嘛才四份一的額 [00:46.60]遮的樹仔栽誠可憐 [00:50.64]為著都合的緣故 [00:53.48]暫時袂當落塗用淹的 [00:58.32]只好有閒就緊來共沃水會失禮 [01:05.00]毋知啥緣故 [01:07.88]敢若嘛無魔神仔咧捒 [01:11.96]我規个人煞起侗戇 [01:16.16]正跤半爿跤盤踏顛 [01:20.24]聽著水面 phok 一聲 [01:24.32]連人掛桶仔就跋落去田溝仔 [01:30.72]好佳哉鼻空無駐水 [01:35.20]干焦喙脣磕著溝仔墘的接骨草佮刺查某爾爾 [01:43.68]毋過倒跤已經踏著溝仔底 [01:49.00]靴管裡的溝仔水燒熇燒熇 [01:54.04]褲跤管沐甲全塗膏 [01:58.84]家己愣一下仔煞起愛笑 [02:03.52]大母人大母種矣 [02:06.36]平平路閣也行甲跋跋倒 [02:11.84]這毋是頭擺跋落水 [02:16.48]自細漢就予人供體做軟跤蝦 [02:22.16]記持自動浮現五歲彼擺的暗頭仔 [02:28.40]仝款跋落去田溝仔 [02:32.12]毋過彼擺較食力 [02:37.80]食幾若喙田溝仔水 [02:41.52]喙箍沐甲全塗 [02:44.84]這攏小事 [02:47.24]規个人直直欲予溝仔底的湳塗吸落去 [02:53.04]才是予人大驚惶 [02:57.60]細粒子 [02:59.32]瘦閣薄板的黃酸囡仔 [03:03.20]跋落去暗昏斡彎的田溝仔 [03:08.16]佳哉雙手窸倏搝著一模田岸仔草 [03:14.80]才無予水流去 [03:18.48]雖然我躘幾若擺 [03:22.44]毋過仙躘 都躘袂起來 [03:27.12]母仔閣佇遠遠的菜園仔遐 [03:31.64]伊聽袂著細漢查某囝的哭聲 [03:38.20]袂記得佇溝仔底浸偌久 [03:42.56]彼溝仔水到我的胸坎仔深 [03:47.72]今十二月屎桶盡拚囉 [03:52.88]草仔欉一直予我掣斷去 [03:57.32]只好閣換搝別欉 [04:01.08]無奈何 [04:02.88]控袂起來就是控袂起來 [04:07.28]佳哉，貴人來矣 [04:11.88]對面的阿枝婆仔對遐過 [04:15.84]聽著我咧喝救人 [04:19.68]緊共我搝起來 [04:22.24]閣𤆬去交予阮母仔 [04:27.04]毋知母仔看著面頭前這身烏 lu-lu 的塗尪仔 [04:34.40]心肝頭彼腹火有偌大 [04:38.84]毋過伊無共我罵 [04:42.68]目前要緊的是共烏鬼鬼的囡仔沖予會看口得 [04:50.80]毋過灶空猶未起火 [04:55.24]欲呔有燒水通洗 [05:00.64]會記得就佇秋風悽慘仔冷的暗頭仔 [05:06.68]母仔共我拖去附近的公共水道頭遐沖沖咧 [05:14.36]冷水一下沖 [05:16.84]𫝏甲我跤手肉咇咇掣 [05:20.72]塗膏強欲共消水空窒甲滇去 [05:26.40]總是這嘛無可奈何 [05:31.16]佳哉天色已經暗昏 [05:35.80]除了母仔 [05:37.32]無人看著彼个褪腹裼的愛哭囡仔 font-size:px; DivLeft:px; DivWidth:px;