Tá-káu tē-lí kua 打狗地理歌

Tá-káu tē-lí kua

---

Tsok-tsiá: Lîm Hōng-tsu
Siōng pak sī Lâm-tsú
siōng lâm Sió-káng-khu
Lîng-ngá-liâu tī tang-pîng.
sai-pîng sī Há-má-sing
Há-má-sing sio̍k Kóo-san
hái-pinn ū Se-á-uân
Siū-san khuànn iā-kíng
Tshâ-suann khuànn hái-íng
Siōng-kài bí-lē sī ài-hô
kíng-tì tsin-tsiànn hó
Tsi̍t-pinn tsiap kuè pó-tsu-kau
tsi̍t-pinn thàng káng-kháu
Iâm-tiânn ū kū tshī hú
Tsiân-tìn ū kang-gia̍p-khu
Sin-hing-khu tì tshī-tiong-sim
keh-piah sī Tsiân-kim
Sàn-pōo kiânn ke-lōo
lâi-khì Tuā-káng-phóo
Tuā înn-khuân Sin-khut-kang
ke-thâu hāng bué tsuân tsuân lâng
Sam-bîn-khu liân āu-ia̍h
hô-lo̍k Kheh-lâng tsò-hué khiā
Lián-tî thâm tsuí tì Tsó-iânn
Puànn-pîng-suann kuè ū kū siânn
Kuè-káng-suī-tō thang Kî-āu
ting-thah ē-bīn ū kóo-phàu
Ji̍t-thâu tshiâ tsiū sai
tuā-tsûn ji̍p-káng lâi
ū suann koh ū tsuí
hái-iûnn tuā too-tshī
Tá-káu sī kū miâ-jī
Ko-hiông! Ko-hiông!
tsin-tsiànn suí

---