Tá-káu tē-lí koa
Chok-chiá: Lîm Hōng-chu
Siōng pak sī Lâm-chú
siōng lâm Sió-káng-khu
Lêng-ngá-liâu tī tang-pêng.
sai-pêng sī Há-má-seng
Há-má-seng sio̍k Kó͘-san
hái-piⁿ ū Se-á-oân
Siū-san khòaⁿ iā-kéng
Chhâ-soaⁿ khòaⁿ hái-éng
Siōng-kài bí-lē sī ài-hô
kéng-tì chin-chiàⁿ hó
Chi̍t-piⁿ chiap kòe pó-chu-kau
chi̍t-piⁿ thàng káng-kháu
Iâm-tiâⁿ ū kū chhī hú
Chiân-tìn ū kang-gia̍p-khu
Sin-heng-khu tì chhī-tiong-sim
keh-piah sī Chiân-kim
Sàn-pō͘ kiâⁿ ke-lō͘
lâi-khì Tōa-káng-phó͘
Tōa îⁿ-khoân Sin-khut-kang
ke-thâu hāng bóe choân choân lâng
Sam-bîn-khu liân āu-ia̍h
hô-lo̍k Kheh-lâng chò-hóe khiā
Lián-tî thâm chúi tì Chó-iâⁿ
Pòaⁿ-pêng-soaⁿ kòe ū kū siâⁿ
Kòe-káng-sūi-tō thang Kî-āu
teng-thah ē-bīn ū kó͘-phàu
Ji̍t-thâu chhiâ chiū sai
tōa-chûn ji̍p-káng lâi
ū soaⁿ koh ū chúi
hái-iûⁿ tōa to͘-chhī
Tá-káu sī kū miâ-jī
Ko-hiông! Ko-hiông!
chin-chiàⁿ súi
沒有留言:
張貼留言